— Ўғлим 26 ёшда. Кичиклигида бирор нимадан қўрқиб кетса дудуқланиб қоларди. Катта бўлса, ўтиб кетар деб эътибор қилмагандик. Ҳозир бўлса, асабийлашса ҳам, дудуқланиб қолаяпти. Энди даволашга кечикмадикмикан?
Сожида Воҳидова, Самарқанд вилояти
Ойбек Пардабоев, олий тоифали шифокор-невролог:
— Дудуқланиш икки хил бўлади. Функционал ва органик бузилишлар оқибатида келиб чиқадиган дудуқланиш шулар жумласидан. Ўғлингизнинг ҳолатига аниқлик киритиш учун невропатолог кўриги талаб этилади. Текширув натижасига кўра, қўшимча таҳлиллар, ЭЭГ РЭГ, ЭХОЭГ ва бош мия МРТси ўтказилади. Айтганларингиздан келиб чиқиб фарзандингизда ташқи эмоционал омиллар таъсирида дудуқланиш жараёни кучайиши, шаклан невротик турга мансублигини айтиш мумкин. Муолажа чораларини невролог, психолог, психиатр ва логопед ҳамкорликда олиббориши керак.
