Санжар Икромов, Тошкент вилояти
Рустам ЗОКИРОВ, шифокор дерматолог:
— Кексаларда кўпинча терининг қуруқлашиши кузатилиб, шунинг ҳисобига қичишиш безовта қилиши мумкин. Бундан ташқари, аллергик ҳолатлар, замбуруғлар, ички касалликлар, жигар, буйрак ёки ошқозон ичак фаолиятидаги ўзгаришлар ҳам терида қичима пайдо бўлишига сабаб бўлиши таҳмин қилинади. Аммо беморни тиббий кўрикдан ўтказмай, ташхис қўйиш нотўғри. Айни вазиятда отангизни дерматолог кўригига олиб боришни тавсия қиламан. Тери ҳолати, бемор шикоятлари ва қўшимча текширувлар ўтказилиб, аниқланган ҳолатларга кўра муолажа белгиланади.