Токио суди маҳаллий клиникалардан бирини 60 ёшли фуқарога 380 минг доллар тўлашга мажбур этди.
Маълум бўлишича, тиббиёт ходимлари уни туғруқхонада бошқа чақалоқ биланадаштириб қўйган экан. Шу тариқа у бегона оилада ўсган, дея хабар беради “The Japan Today” нашри.
1953 йилда туғилган бола ўзининг бадавлат оиласи ўрнига кам таъминланган жуфтликнинг оиласига тушиб қолади. Тўрт кишидан иборат ушбу оила ўн метр келадиган хонада яшаб, ҳатто энг зарур маҳсулотларни ҳам сотиб олишга қурби етмаган. Бола икки ёшга тўлганида унинг “отаси” вафот этади. 14 ёшида бола кечки мактабда ўқиши учун пул ишлаб топиш мақсадади заводда ишлашга мажбур бўлади. Охир-оқибатда у транспорт компаниясига ишга киради ва бир умр ўша ерда ишлайди.
Бир пайтнинг ўзида, унинг ҳақиқий ота-онасининг уч нафар фарзанди қиммат хусусий мактабларда яхши таълим олади, университетни тугатади ва Япониядаги йирик компанияларда ишлайди.
Шифокорларнинг хатоси фақат 2009 йилдагина маълум бўлади. Акаси уларга ўхшамаслигини тушунган кичкина “укалар” ДНК-экспертизасини ўтказишга қарор қилади. Олинган натижалар
ҳақиқатан ҳам у бегона оиладан эканини тасдиқлайди.
Эркак ўзининг ҳақиқий ота-онасини фақат ўтган йилдагина аниқлашга муваффақ бўлди. Бу пайтга келиб улар қазо қилган эди, шу боис у ўз ота-онасини кўра олмади.
Жабрланувчи Токио округ судига берган даъво аризасида, шифокорлар хатога йўл қўймаганида, унинг ҳаёти бошқача бўлган бўлишини таъкидлайди. Суд ҳам даъвогар олий таълим олиш имкониятидан маҳрум бўлганини ва оғир руҳий азобларни бошидан кечирганини тан олди.
