ҚЎЛСОЧИҚ ВА ДАСТУРХОННИ ТОЗАЛАШ СИРЛАРИ

Оҳорини йўқотган қўлсочиқ ва дастурхонни совун билан қайнатиб, 3 ош қошиқ спирт ҳамда 1 ош қошиқ скипидар қўшилган сув билан чайинг.

• 1 челак иссиқ сувга 2 ош қошиқ водород пероксиди ва 1 ош қошиқ новшадил спирти солиб, ювилган сочиқча ёки дастурхонни 20 дақиқа ивитиб, чайиб ташланг.
• Рангли қўлсочиқ ва дастурхонни ювишдан олдин 1 ош қошиқ туз қўшилган 1 литр сувга солиб қўйсангиз, ювганингизда рангини йўқотмайди.
• Ошхонадаги газмолларни крахмаллаш учун 3 стакан совуқ сувда 0,5 стакан крахмални эритинг. Чуқурроқ идишга 3 литр қайнаган сув солиб, дастурхон ва қўлсочиқларни унга ботириб-ботириб олинг. Текислаб қуритинг.

Манба: «SUG‘DIYONA» газетаси.