— Ишчи қон босимим паст. Бунинг устига, шақиқа (мигрень) касалини ҳам орттириб олганман. Оғриқ хуружларига қарши дорисиз бирор муолажани тавсия этоласизми?
Нигора, Сирдарё вилояти
Ойбек ПАРДАБОЕВ, олий тоифали шифокор-невролог:
— Аввало ишчи қон босимингизнинг пастлигига тўхталсак. Бу ҳолат яшаш тарзингиз ва кун тартибингизга боғлиқ бўлиши мумкин. Мигрень хуружи юзага келганида ишчи қон босимининг пастлаши, қон босимига боғлиқ организмнинг мослашуви дейилади. Хасталик хуружидақон босими ошади. Ушбу ҳолатнинг олдини олиш учун организм қон босимини пасайтиришга ҳаракат қилади. Мигрендан ҳимояланиш учун яшаш тарзи ва кун тартибига қатъий риоя этинг. Безовталик кузатилганида оғриқсизлантирувчи препарат қабул қилиб, қоронғи хонада ухлашга уриниб кўринг. Оғриқ бошланганида ҳар қандай жисмоний фаоллик тўхталиши лозим.
