1. Ялқовлик! Кўпчилик «Озишни истайман!» дейишади. «Озиш учун бирор нарса қилдингизми? Масалан, тонгги жисмоний тарбия…» деган саволимга, «Кун давомида уйни саранжомлайман, мана шу менинг жисмоний тарбиям!» деган жавобни эшитаман. Ёки барча аёлларга таниш бўлган шиор: «Эртадан бошлайман!» Аммо бу эрта индин ҳам, бир ойдан, бир йилдан кейин ҳам келавермайди.
2. Телевизор қаршисида овқатланиш. Бу сўнгги йилларда одат тусига кириб бормоқда. Аёл телевизор қаршисига сериал кўргани ўтирса ҳам у қорни оч ёки тўқлигидан қатъи назар, ейишга у-бу нарса қидира бошлайди.
3. Камҳаракатлик. Тўғри, аёл кун давомида ҳаракат қилади, уззукун уйни саранжомлаб-саришталайди. Аммо бу ҳаракатлар озиш учун етарли эмас.
4. Шошилиб овқатланиш ҳам аёлда ортиқча вазн ҳосил бўлишига олиб келади.
5. Тор кийимлар танани сиқиб қўяди, натижада қон айланиши бузилади. Улар ҳам целлюлит ҳосил қилади.
6. Ёш болали аёлларга фарзандларидан қолган овқатни ейиш одат бўлиб қолган. Овқатланишдан аввал организмингизга қулоқ тутинг, очликда ейилган овқат танада ёғ бўлиб йиғилмайди.
Булар натижасида семириб кетган аёл озиш йўлларини излай бошлайди ва яна ялқовлик таъсирида бу йўлнинг осонини танлайди. Яъни, турли парҳезлар ва бошқа мамлакатлардан олиб келинадиган дориларни қабул қила бошлайди.
Манба: «SUG‘DIYONA» газетаси.
