Қорин соҳасини уқалаш
Соат айланаси бўйича ўнгдан чар тарафга қаратилган ҳаракат билан уқаланади. Бу жараёнда қориннинг пастки соҳасидаги безовталик, босим анча енгиллашади.
Парҳез
ҳайз олди кунлари ҳамда бошланганидан сўнг оғир ҳазм бўлувчи, юқори калорияли ҳамда ёғли маҳсулотларни чеклаб туринг. Энг маъқули парҳезбоп егуликлар.
Жисмоний машқлар
Бадантарбия, йога, нафас машқлари ёрдамида организмингиздаги зўриқиш ҳамда оғирликни бартараф этишга эришасиз. Бунинг учун 5-10 дақиқа вақтингизни аямасангиз кифоя.
Витамин ва минераллар
Оғриқ давомли ва ўткир, сўнгги ҳайз даврларида тез-тез такрорланаётган бўлса, шифокор кўрсатмаси билан магний, кальций, В ва Е гуруҳи витаминларидан қабул қилишингиз мумкин.
Доривор дамламалар
Маймунжон (мураббоси ёки қуритилган меваси), лимонўт (мелисса), жўка (липа) ва бодрезак (калина) ўсимликларидан тайёрланган дамламалар ҳам оғриқни енгиллаштиришида асқотади.
Уйқу ҳолати
Мутахассислар, эмброн ҳолатида ухлаш ёки шунчаки дам олиш қорин мушакларидаги сиқилиш (спазм)ни бартараф этишда ёрдам беради дейишади. Синаб кўринг.
Оғриқ қолдирувчи препаратлар
Агар оғриқдан тинкангиз қуриб, ҳаловангиз бўлмаётган бўлса, шифокор кўрсатмаси билан оғриқсизлантирувчи препаратларга мурожаат этишингиз мумкин. Аммо миқдорини ошириб юборманг.
ТАВСИЯ ЭТИЛМАЙДИ!
Қорин устига иссиқ грелка қўйиш;
Мойчечак дамламасини қабул қилиш;
Спазмолитик гуруҳига мансуб препаратлар миқдорини ошириш;
Қорин соҳасига муз солинган сочиқ қўйиш.
