Оқсил истеъмол қилинг!
Доим уйқусираб юрасизми? Қаҳва ичишга ружу қўйманг, яхшиси кун давомида оқсилга бой қуруқ мевалар истеъмол қилинг. Масалан, ерёнғоқ, бодом, майиз, туршак. Яна олманинг бир палласини, творог ҳам яхши танлов.
В витамини кўпроқ бўлсин!
В витамини етишмаслигининг аломати: кайфиятнинг тез ўзгариши, диққатни яхши жамлай олмаслик, безовталик, тушкунлик. В витамини захирасини дуккакли маҳсулотлар, балиқ, ёнғоқ, тухум билан тўлдириш мумкин.
Енгил машқлар
Чарчаганда ортиқча қимирлашга ҳам ҳол келмайди. Бироз ўзингизга келишингиз учун биз сизга бир соат югуриш йўлакчасида терга ботишни эмас, шунчаки пиёда юришни маслаҳат берамиз. Агар уйингўз ёки ишхонангиздандан умуман чиққингиз келмаса, 25 марта ўтириб туринг.
Муздек душ
Иссиқ душ тинчлантириб, бўшаштиради. Аммо мақсадингиз тетиклашиш бўлса, сув сал совуқроқ бўлгани яхши. Совуқ сув организмда қон айланишини тезлаштиради. Агар совуқ душ, деган гапнинг ўзидан жунжикаётган бўлсангиз, ҳеч бўлмаганда, юзингизни 1-2 марта муздек сувда ювинг.
Таомланиш учун танффуслар сонини кўпайтиринг
Овқатланиш тартибини ўзгартириш тетиклик даражасини анча ўзгартириши мумкин. Агар камроқ, лекин тез-тез есангиз, бир меъёрдаги калорияга эга бўласиз. ҳазми оғир овқат мудроқни чақиради, кам-камдан ейиш эса сизни соф қувват билан таъминлайди.
Эрта уйқуга ётинг
8 соатдан кам ухлаш организм учун етарли эмас. Акс ҳолда ҳорғин ва асабий бўлиб қоласиз. Зарур ишларингизни кундузи битиришга ва ҳар куни одатдагидан 20-30 дақиқа эртароқ уйқуга ётишга ҳаракат қилинг. Бир неча кундан сўнг вақтида ухлаш тартибига ўрганасиз.
Сайр қилинг
Иш вақти тугагач, дарров автобусга чиқмасдан бир бекат пиёда юриш мумкин. Сайр миянгизни дам олдиришга, иш куни давомида тўпланган чарчоқни чиқаришга ёрдам беради. Шунинг учун кейинги гал танаффус кераклигини ҳис қилганингизда, албатта, сайрга чиқинг!
