БИОТАТУАЖ. ЭНДИ УЙ ШАРОИТИДА!

Хонимлар «non stop» режимида гўзал бўлишни истайсизми? Айниқса, эрталабки 15 дақиқани ҳамда хуш кайфиятни сақлаб қолишничи? Энди бунинг имкони бор! Cарлавҳани ўқибоқ «Яна татуажми?» дея лабингизни бурманг. Бу сафар салонга бориб, қимматли вақтингиз ва маблајингизни сарфлаб татуажу, «растушёвка» қилидиришни тавсия қилмаймиз. Ҳозир қошларни чиройли кўрсатишнинг янада арзон ва осон усуллари чиққан. Келинг бу сафар БИОтатуаж ҳақида гаплашамиз.

Табиийси барибир афзал

Косметик дўкон расталарда қошни бўяш учун мўлжалланган воситаларнинг икки турини учратишингниз мумкин. Биринчиси табиий хина бўлса, иккинчиси кимёвий бўёқлардир. Аслида, ҳар иккисининг ҳам ўз ўрни мавжуд. Тўјри қўлласангиз бўлгани, масалан, кимёвий бўёқлар орасидан истаган рангингизни топишингиз мумкин. Нима бўлганида ҳам кўпгина мутахассислар табиий махсулотни тавсия этадилар. Стилистимизнинг тажрибаси ва кузатувларига таяниб, ҳар икки воситанинг қошларда сақланиб туриш муддати деярли бир хил, ўртача икки ҳафта, эканини таъкидлашни истардик. Қолаверса хина кимёвий бўёқдан фарқли ўлароқ аллергия қўзјатмаслигини ҳам инобатга олиш даркор. Ҳа айтгандек, бу амалиётга қўл уришдан аввал «Соч учун мўлжалланган воситалардан фойдаланмайман! Фақат махсус қошга аталган турини харид қилиб, ўшани қўллайман» дея сўз беринг. Акс ҳолда, қошларингиз тўкилиб Мона Лизага айланиб қолишингиз мумкин.

Бўяшни бошладик

Қўлимдан келмайди, эплолмайман дея ўзингизга чегаралар қўйиб олманг. Ҳатто, энг яхши мутахассис ҳам биринчи марта қўрқади. Аммо шу қўрқувини енггани учун ҳам ўз ишининг устасига айланади. Ахир ҳар куни кўзгу қаршисида қошларингизни тартибга келтирасиз, қалам ёки тень билан бўяйсиз-ку. Агар бўёқ бироз суюқроқ эканини инобатга олмасангиз, биотатуаж ҳам ҳудди шу жараённинг ўзгинаси. Айниқса қошларингизга оқ оралаганини сезган бўлсангиз, амалиётни кечиктирмасликни тавсия қиламиз.

• Биринчи навбатда қошларни тартибга келтириб, ортиқчасини териб ташлайсиз.
• Кейин ярим чой қошиқ хинани бироз илиқ сув билан аралаштириб оласиз. Идишингиз металл бўлмаслигига аҳамият беринг.
• Кейин қош атрофидаги терига ёјли крем ёки вазелин суртиб чиқинг, бу терига ранг сингиб қолишининг олдини олади.
• Қошни бўяшни эса ингичка қисми, яъни ташқи бурчагидан бошлаганингиз афзал.
• Қандай натижага эришишни кўзлаганингизга қараб, хинани 15 дақиқадан 30 дақиқагача қошга суртиб қўясиз.
• Суртиш жараёнида қўлингиз қалтираб, қош чегарасидан бироз чиқиб кетган бўлсангиз, пахтали таёқчалар ёрдамида уларни бартараф этинг.
• Вақт ўтгач илиқ сувда намланган пахтали дисклар билан артиб оласиз.

Киприкларга ҳам қўлласа бўлади

Агар киприкларни ҳам бўяшга аҳд қилган бўлсангиз, ёнингизда, албатта, ёрдамчингиз бўлсин. Чунки киприкларни бўяш чојида кўзларингиз юмилган ҳолда бўлади.

• Пастки қовоққа ёјлироқ крем суртиб оласизда, бироздан кейин махсус ярим ой кўринишидаги ҳимояловчи “ёстиқча”ларни ёпиштириб чиқасиз.
• Кейин хинадан суртиб, 20-25 дақиқага қолдирасиз.
• Вақт ўтганидан сўнг эса намланган пахтали дисклар ёрдамида хинани артиб ташлайсиз.

Фойдали тавсиялар

• Ранг танлаш жараёнида қийналаётган бўсангиз, сочларингизнинг рангига аҳамият беринг. Қош билан сочнинг бир хил бўлиши доим табиийлик белгиси саналган.
• Натижа узоқроқ сақланиб туришини истасангиз, ишни бошлашдан аввал қошни скраб ёрдамида тозалаб олинг.
• Агар хинанинг ранги бироз тўқроқ бўлишини истасангиз, унга дамланган қаҳва, аччиқ чой ёки какаодан қўшишингиз мумкин.
• Шунингдек хинага бироз лимон шарбатидан қўшсангиз, ранги янада узоқроқ сақланиб туради.

Косметик дўконлардаги ўртача нархи 15 000 сўм.

МАФТУНА тайёрлади

Манба: «Sug'diyona» газетаси