— Ҳомиладорликнинг олтинчи ойидан бошлаб, эрталаб ва кечки пайт токсикоз хуружлари содир бўлаяпти. Айниқса уйқудан уйғонган заҳотим кўнглим айниб, қайт қиламан. Бунинг ҳомилага зарари бўлмайдими, шу ҳақида билмоқчи эдим?..
Гўзал Нурматова, Жиззах вилояти
Гулнора ПЎЛАТОВА, олий тоифали шифокор, акушер-гинеколог:
— Токсикоз хуружлари енгилроқ ўтиши учун уйқудан уйғонган заҳотингиз ўрнингиздан қўзғалманг-да, бироз ётинг. Ўриндан тургандан сўнг бир стакан сув ичиш ёки икки бўлак лимон чайнаш мумкин. Кўнгил айниши безовта қилмайди. Агар кун давомида бош айланиши, оғриқлар ва ҳолсизлик кузатилмаса, вазн ортиши меъёрда кечиб, ҳомида ривожланиши яхши кечаётган бўлса, токсикоз хуружларидан чўчиманг. Шунчаки эрталаб нонушта қилишдан эринманг, кун давомида оз-оздан тамадди қилинг. Агар умумий аҳволингизда ўзгаришлар келиб чиқса, даволовчи шифокорингиз билан маслаҳатлашган ҳолда токсикозни енгиллаштирувчи препаратларга мурожаат этиш мумкин.
