МИЛЛИОНИНЧИ АБОНЕНТ РЎЙХАТГА ОЛИНДИ
“UZMOBILE” миллий мобиль алоқа оператори “Миллионинчи абнонент” деб номланган катта байрам акциясини ўтказди. 9 ноябрь куни кенг жамоатчилик ва омавий ахборот воситалари вакилларининг кўз ўнгида GSM тармоғида миллиончи абонентирўйхатга олинди, деб хабар берди Ўзбекистон Республикаси Ахборот технологиялари ва коммуникацияларини ривожлантириш вазирлиги расмий сайти.
Тошкент вақти билан соат 11:00 га бонг урганда “UZMOBILE”нинг савдо офисига бир ёш йигит кириб келди ва “UZMOBILE” GSM тармоғига уланиш истагида эканини айтди. Айнан у — Тошкент архитектура ва қурилиш институтининг биринчи курс талабаси GSM стандарти бўйича “UZMOBILE” компаниясининг рамзий миллионинчи абонентига айланди. У “UZMOBILE” (GSM) нинг миллиончи абоненти сертификати, шунингдек, “чиройли рақам”га бепул улаб бериш бўйича сертификат ва бепул интернет-пакет билан тақдирланди.
Миллий мобиль алоқа оператори GSM тармоғини узлуксиз кенгайтириб, ривожлантириб бормоқда. Бутун Ўзбекистон бўйлаб 2G/3G ва 4G технологияларини жорий этиш босқичма-босқичма амалга оширилмоқда. Айни пайтда республиканинг барча вилоят ва туман (шаҳар) марказларида 4G тармоғи ишлаб турибди. Компаниянинг савдо ва хизмат кўрсатиш офислари, савдо билан шуғулланувчи вакилларининг сони жадаллик билан ўсиб борётир. Қулай ва чўнтакбоп тариф режалари, юқори сифатли хизматлар ҳамда хизмат кўрсатишнинг қулайлиги бугунга келиб GSM тармоғига миллиондан ортиқ абонент уланишига олиб келди.
“Халқ билан мулоқот ва инсон манфаатлари йили” давлат дастури ҳамда “Электрон ҳукумат” тизимини ривожлантириш маркази билан имзоланган Ҳамкорлик тўғрисидаги меморандумда кўзда тутилган вазифалар ижросини таъминлаш мақсадида Миллий мобиль алоқа оператори “Халқ билан мулоқот” деб номланган махсус хизмат йўлга қўйилди. Бунинг натижасида компания абонентлари ҳозирги вақтда 80 дан ортиқ давлат идораларининг сайтларига бепул кириб, улардаги интерактив хизматлардан беминнат фойдаланиб келмоқдалар.
