Мадад-шифо: МАККАЖЎХОРИНИНГ ФОЙДАЛИ ХУСУСИЯТЛАРИ

Маккажўхорини кўпчилик севиб истеъмол қилади. Унинг таркибида B, PP, C, фосфор, калий ва юрак фаолиятини яхшиловчи К витаминлари мавжуд. Ёғли таомларни хуш кўрувчилар бу сабзавотдан кўпроқ тановул қилишлари лозим. Чунки у холестренни чиқариб юбориш хусусиятига эга. Маккажўхорининг нафақат дони, балки попуги ҳам бир қанча доривор хусисиятларга эга.

• 150 грамм жўхори билан катта ёшли инсонларнинг В 1 витаминига бўлган талабини қондириш мумкин. Яна унинг таркибида склероздан ҳимоя қилувчи ва антитоксин ҳисобланган витамин Е ҳам мавжуд. Доимий тарзда жўхори истеъмол қилиш юрак инсульти ва саратон хавфини олдини олади.
• Шунингдек, у ёшартирувчи хусусиятга эга маҳсулот саналади. Қайнатилган жўхори ўзидаги фойдали хусусиятларни йўқотмайди.
• Аммо бош оғриғи ва ошқозон-меъда фаолиятида муаммоси бор инсонларга қайнатилган жўхоридан кўп миқдорда истеъмол қилмаслик тавсия этилади.

Унинг мевасидан олинган мой қон таркибидаги холестеринни камайтириш, артеросклероз касаллигини даволаш ва олдини олиш учун қўлланилади. Шу билан бирга, организмда моддалар алмашинувини яхшилашда, қандли диабет, нефрит, буйрак-тош ва холесистит касаллиги, ўт ва сийдик ҳайдовчи восита сифатида ишлатилади. Жўхори темир, кальций, фосфор, магний ва бошқа микроэлементларнинг манбаи саналади. Унда Менделеев жадвалидаги элементларнинг 26 тури мавжуд.

Қайнатилган жўхори қандли диабет билан оғриган беморлар учун тавсия этилади. У қанд миқдорини нормаллаштиради, аллергияга мойиллиги бор инсонларга, камқонликдан азият чекувчи, жигар, юрак хасталиги билан оғриган кишиларга яхши фойда беради.