- Бир ҳафта давомида қаддингизни ростлаб ўтиришга ва юришга ҳаракат қилинг. Шунда хотирангиз яхшиланганини ва миянгиз тез ишлаётганини ҳис қиласиз.
- Хушламайдиган ёки аразлашган инсонингиз билан муносабатларингизни яхшилашга ҳаракат қилиб кўринг. Масалан, хаёлан унга чиройли нарсалар совға қилинг. Шунда унинг қанчалик хурсанд бўлишига гувоҳ бўласиз. Ва охир-оқибат фиркларингиз моддийлашиб, ҳаётда ҳам у билан яхши муносабатда бўласиз.
- Ухлашдан 2 соат олдин телевизор ва компьютерни ўчиринг. Шунда сиз орзуларингизни кўра бошлайсиз ва ич-чингизда ижодий истак, катта мақсадлар уйғотади.
- 2 ҳафта давомида фақат иш юзасидангина телефонда гаплашинг. Шунда сиз бир кунда 24 соат борлигига амин бўласиз. Яъни вақтингизни тежайсиз.
- 1-2 ҳафта давомида уйқуга кетиш олдидан таом тановул қилманг. Натижада тинч ором оласиз ва эрталаб яхши кайфият билан уйғона бошлайсиз.
- 1-2 ҳафта давомида туз ва мурчсиз таом енг. Шунда сиз камроқ овқат еяётганингизни биласиз. Энг муҳими, анча вазн йўқотганингизни ҳис қиласиз.
- 1 ҳафта давомида газли ичимликлар ва лимонад ичманг. Шунда сиз оддий сувнинг қанчалик ёқимли ва фойдали эканлигини биласиз. Ва саломатлигингиз учун анчайин фойдали иш қилган бўласиз.
- 2 ҳафта давомида чой ва қаҳвадан воз кечиб кўринг. Натижада тўйиб ухлайсиз, бунинг устига, юз терингиз текислашиб, ажинлар чекинишига эришасиз. Ва камроқ асабийлашасиз.
- Ҳар гал сигарет чекиш истаги уйғонганда уни олма, мандарин, апельсин, банан ёки 1 стакан сув билан алмаштиринг. 2 ҳафта давомида айнан шундай қилсангиз, ўзингизда куч, бардош ва қаътият ҳис қиласиз. Чекиш одатидан эса шу тарзда воз кечишинигз мумкин.
Манба: “SUG‘DIYONA” газетаси
