СУМКА ҲАРИД ҚИЛМОҚЧИМИСИЗ?

• Сумка ҳарид қилишдан аввал ундан қай вазиятларда фойдаланишингизни ўйлаб кўринг. Ишга , ўқишга ёҳуд дўкон айланишда ишлатасизми?
• Сумканинг занжирли ёпғичлиги ҳамиша урфда бўлган. Аммо замона зайли деганларидай, бугун сумкаларнинг ёпғичсиз, бир-бирига ёпишадиган тугмалилари ишлаб чиқарилаяпти. Фойдаланишда ҳам қулайлиги билан ажралиб туради.
• Танлаган сумкангиз турмуш тарзингиз, иш фаолиятингиз ва одатларингизга мос келиши керак. Чунки кундалик дастёримизга айланган ушбу восита ташқи кўринишнинг бир бўлаги ҳисобланади.
• Мавсумга мослаштиришни ҳам унутманг. Қишда қора рангли чарм ёки бахмал матосидан ишланган сумкалар тавсия этилса, кўкламда ёрқин рангли ва кўриниши енгил бўлганлари танланади.
• Ҳозирда катта ўлчамдаги сумкалар анча оммалашган. Бироқ бу турдаги сумкани ҳарид қилишда ҳам маълум қоидаларга риоя этиш лозим. Масалан, бўйингиз паст бўлса катта сумка сизга тўғри келмайди. Ўрта ва баланд бўйлилар эса катта хажмли сумкалардан бемалол фойдаланишлари мумкин.
• Яна бир муҳим қоида: катта ўлчамдаги сумкаларни қалин қишки кийимлар билан мослаштирманг. Йўқса ташқи кўринишингизда номутаносиблик келиб чиқади.
• Сумканинг энг қулай ранги – қора. Бу рангли сумкаларни исталган либос билан мослаштириш мумкин. Гардеробда битта қора рангли сумка бўлса, кифоя. Шу билан бирга жигарранг, қизил, қаймоқ ранг ва рангдор сумкаларни эса бораётган жойингиз ёки либосингизга қараб, алмаштираверасиз.
• Мода мутахассислари ҳар бир аёл ҳар олти ойда янги сумка ҳарид қилишини тавсия этишади. Бу билан аёлнинг ўзига бўлган ишончи ва эътибори ортар экан.
• Тошли, турли безаклар ва осилма шокилдалар билан ясатилган сумкаларга ихтиёр бердингиз. Хўш, улардан қай вазиятда фойдаланмоқчисиз? Тошли сумкалар одатда оқшом ёки базмларга тавсия этилади, безаклилари эса классик либослар билан, шокилдалиларига келганда замонавий кийиниш услуби танлангани маъқул.
• Баъзида дўкон ёки болалар боғчасига бориш учун кроссовкадан фойдаланмиз. Ҳамёнимизни жойлаш учун эса сумка керак бўлади. Бироқ кроссовка билан сумка ишлатса бўладими? Уддалаш мумкин. Спорт услубидаги кичик сумка ва ортиқча безаксиз ишланган клатчларни синаб кўринг.