Кичкинтойингиз тез-тез терласа, кечга бориб ҳолсизланса, тишларининг ранги хиралашган, йиқилганда мушак ва суякларида оғриқ турса, булар D витамини етишмаслигидан нишона.
Фойдаси: организмда кальций ва фосфор алмашинувини таъминлаб, иммунитетни оширади. Суякларни мустаҳкамлаб, рахитнинг олдини олади. А ва С витаминлари билан бирга қабул қилинганда шамоллаш жараёнлари, конъюктивитда ижобий таъсир кўрсатади.
Кунлик миқдори: фарзандингиз ёшига тўлмаган бўлса, 300 мг, 1 ёшдан 12 ёшгача бўлган болаларга эса 400 мг.дан бериш лозим.
Меъёрдан ошса: назоратсиз қабул қилинса, боланинг ривожланишдан ортда қолиши, ,қорин сохасида оғриқлар кўнгил айниши, баъзан буйракда тош йиғилиши каби асоратларга олиб келиши мумкин.
Муҳим! D витамини Е витамини (ўсимлик ёғи, ёнғоқ) билан бир вақтда қабул қилинмайди. А ва С витаминлари (лимон, олма) билан аксинча, самарали таъсир кучига эга.
Профилактика: тухум сариғи, сметана, сариёғ, сут-қатиқ маµсулотлари ҳамда балиқ гўшти таркибида D витамини кўп. Шунингдек, кичкинтойингизни ҳар куни эрталаб қуёш нурида сайр қилдирсангиз D витаминининг табиий заҳирасига эга бўласиз.
Дорихоналарда: шифокор тавсиясига кўра, Вигантол (ёшга тўлмаган болага 1-2 томчи, 1 ёшдан ошган бўлса, 5-6 томчидан) Аква-Детрим (ёшга тўлмаган бўлса, 2 томчи, 1 ёшдан ошган бўлса, 7-8 томчидан) препаратларини беришингиз мумкин.
Манба: «SUG‘DIYONA» газетаси.
