Акангиз ё укангизни рафиқасидан қизғаниб, оила тинчини бузадиган қиз бўлманг. Бу совчиларингизнинг қулоғига етса, «тўйдан кейин бизнинг ҳам тинчимизни бузмасин» деб эшигингизни тақиллатмасданоқ ортга қайтиб кетса-чи? Қолаверса, ўзингиз ҳам кимгадир келинойи ё келин бўлиб, ўзга хонадонга борасиз.
- Келинойингизнинг қайсидир ишидан кўнглингиз тўлмаса, дарров онангизга унинг ғийбатини қилишга киришманг. Бу билан улар ўртасига совуқчилик тушириб қўйишдан эҳтиёт бўлинг.
- Хуллас, келинойингизнинг ўрнига ўзингизни қўйиб кўринг-да, ақл билан иш тутинг.
Калит қанчалик омонат, нозик бўлса, синдириш учун биргина ҳаракат кифоя. Сизнинг хонадонингиз мустаҳкамлиги калити эса шунчалик пухта бўлсинки, ҳаёт уни ҳеч қачон синдириб қўймасин! «Мустаҳкам оила йили» ҳадемай тарихга айланади, бироқ ишонамизки ва Яратгандан сўраймизки, ҳар йилда, ҳамиша ўзбек хонадони тотув, мустаҳкам бўлаверади!
Манба: «SUG‘DIYONA» газетаси.
