1. Чойнакнинг тагида туз йиғилмаслиги учун уни сув билан тўлдириб, 1 чой қошиқ истеъмол содаси солинг-да, қайнатинг. Сўнгра қайноқ сув билан чайинг.
2. Гўшт чиқаргандан кейин ювиш осон бўлиши учун картошка ёки бир бўлак нонни гўштқиймалагичдан ўтказинг.
3. Графиндаги оқ доғларни кетказмоқчимисиз? Унда иссиқ сув солиб, 1 чой қошиқ сирка қўшинг. Яхшилаб чайқаб ташланг-да, совуқ сув билан ювинг.
4. Чинни идишларни қайноқ сувда ювманг. Бўлмаса идишларнинг сири кўчиб, сарғайиб қолиши мумкин.
5. Шиша идишларни иссиқ сув билан ювиш лозим.
6. Ёғоч қошиқларни кир ювиш кукуни билан исиқ сувда ювинг. Сўнгра совуқ сув билан чайинг.
7. Кумуш қошиқ, санчқи ёки кумуш суви юритилган идишларни лимон шарбати билан тозалаш керак. Ёки лимон бўлаги билан артиб, сўнгра илиқ сувда чайиш мумкин. Агар қора доғлар бўлса, тиш ювиш пастаси ёрдамида тозалаш орқали улардан халос бўласиз.
8. Сирли идишларга тузли совуқ сув солиб қўйинг. Ярим соатлардан сўнг сувни тўкиб ташлаб, тоза сув билан чайинг. Шунда овқат «из»идан асар ҳам қолмайди.
