— Никоҳдан ўmuш учун вилоят, шаҳар ва туманлардаги ФҲДЁ бўлимлари томонидан "Никоҳни қайд этиш гувоҳнома"си учун тўланадиган, қонунда белгиланган давлат божи қанчани ташкил этади?
Телеграмм орқали келган савол
Ҳ.Насимов, Нотариат, адвокатура ва ФҲДЁ органлари бошқармаси бўлим бошлиғи:
— ФҲДЁ органлари томонидан никоҳни қайд этганлик учун "Вазирлар Маҳкамасининг 1994-йил 3 ноябрдаги 533-сон қарори билан тасдиқланган Давлат божи ставкаларининг 5-бандидаги "а" кичик бандига мувофиқ никоҳни қайд этганлик учун энг кам иш ҳақининг 20 фоизи миқдорида давлат божи, 2012 йил 25 апрелдаги "Гербли гувоҳномалар шаклларини ва уларни берганлик учун герб йиғими миқдорини тасдиқлаш тўғрисида”ги 119-сон қарорига мувофиқ гербли гувоҳномалар берганлик учун энг кам ойлик иш ҳақининг 15 фоизи миқдорида герб йиғими, шунингдек Адлия вазирининг 2012 йил 15 мартдаги 29-ум-сон буйруғи билан тасдиқланган ФҲДЁ органлари томонидан жисмоний шахсларга пулли хизмат кўрсатиш ҳақидаги низомга мувофиқ никоҳни сайёр равишда тантанали қайд этганлик учун (транспорт ҳаражатларидан ташқари) энг кам ойлик иш ҳақининг 100 фоизи миқдорида тўлов ундирилади.
Никоҳни қайд этганлик учун тўловлар барча ФҲДЁ органларида мазкур норматив ҳужжатларда белгиланган миқдорларда ундирилади.
