— Сўнгги пайтлари уйқусизликдан жуда қийналаяпман. Туни билан деярли мижжа қоқмай чиқаман. Бу нима билан боғлиқ бўлиши мумкин? Ухлатадиган дорилар ичдим, фойда бермади...
Гулчеҳра Акромова, Тошкент вилояти
Нодира ҲАМРОЕВА, олий тоифали шифокор-терапевт:
— Асаб касалликлари ҳамда эндокрин тизим фаолиятидаги ўзгаришларда уйқусизлик келиб чиқади. Невролог ва эндокринолог шифокорлар кўригидан ўтиб, таҳлил топширинг. Шунга кўра уйқусизликнинг сабаби аниқланади. Узоқ вақт уйқу тартибининг бузилиши сурункали чарчоқ, мия фаолиятида ўзгаришларни келтириб чиқариши мумкин.
