— So`nggi paytlari uyqusizlikdan juda qiynalayapman. Tuni bilan deyarli mijja qoqmay chiqaman. Bu nima bilan bog`liq bo`lishi mumkin? Uxlatadigan dorilar ichdim, foyda bermadi...
Gulchehra Akromova, Toshkent viloyati
Nodira HAMROEVA, oliy toifali shifokor-terapevt:
— Asab kasalliklari hamda endokrin tizim faoliyatidagi o`zgarishlarda uyqusizlik kelib chiqadi. Nevrolog va endokrinolog shifokorlar ko`rigidan o`tib, tahlil topshiring. Shunga ko`ra uyqusizlikning sababi aniqlanadi. Uzoq vaqt uyqu tartibining buzilishi surunkali charchoq, miya faoliyatida o`zgarishlarni keltirib chiqarishi mumkin.
