Мигренда халқ табобати усулларидан ташқи қўллаш учун лимон пўстлоғини тавсия қилиш мумкин. У қалин бўлиши даркор. Унинг ички қатламини тозалаб, чаккангизга нам томони билан қўйинг. Табибларнинг таъкидлашича, лимон туфайли терида ҳосил бўлган қизил доғ ачишиши ва қичиши мумкин.
Ҳар қандай бош оғриғида карам барги ёрдам бериши мумкин. Карам суви калий ионларига бой. Ушбу микроэлемент томир ва мушаклар тонусини яхшилашга ёрдам беради. Бу эса ўз навбатида оғриқдан халос бўлишга олиб келади. Муолажани бошлашдан аввал баргни бироз эзғиланг ёки ҳар жой-ҳар жойини тилиб қўйинг: шунда карам шираси чиқади. Сўнг уни пешана, чакка ва бошнинг бошқа соҳаларига қўйиб, маҳкам ушлаб туринг. Барг яхши туриши учун рўмол ўраб олинг.
Бош оғриқларида хом пиёзни пешанага компресс қилиш ҳам фойдали. Иложи бўлса, пиёзнинг сувини сиқиб олиб, у билан компресс қилиш учун матони намланг. Ёки пиёзни тўғраб, ҳалқачаларини шунчаки пешанангизга қўйинг. Кўзларингизни юминг, акс ҳолда, ачиб, кўз ёшланиши мумкин.
