Шаҳзода ал-Валид яқинда бутун бойлигини хайрия ишлари учун сарфлашини маълум қилганди. У биринчи навбатда аёллар ҳуқуқини ҳимоя қилувчи ташкилотларга, бедаво дардларнинг давосини топишда тадқиқот ишларини олиб борувчи тиббиёт муассасаларига, табиий офатдан жабрланганларга ҳомийлик қилишни, соғлом турмуш тарзини тарғиб қилишни ният қилган. Шаҳзода ўзининг Twitter саҳифасида Яратган унга жуда катта бойлик ҳадя этганини, мазкур бойликни муҳтожлар билан баҳам кўриши лозимлиги ҳақида ёзди. Унинг бундай қарорга келишига ўзининг "Gates Foundation" хайрия жамғармасини ташкил этган "Microsoft" асосчиси Билл Гейтс сабабчи бўлганлигини таъкидлади.
