— Дугоналаримдан бирининг энсасига папиллома чиққан экан. Бир неча кун аввал бўйнимда майда тошмалар пайдо бўлганига кўзим тушганди, тери рангида эканлигига ҳайрон бўлиб, суриштирсам, папиллома дейишди. Наҳот касаллик вируси менга ҳам юққан бўлса?! Ахир дугонамнинг бирор нарса-буюмидан фойдаланмаганман-ку? Энди қандай даволанишим зарур?
Л.Соатова, Самарқанд вилояти
Рустам ЗОКИРОВ, шифокор-дерматовенеролог:
— Папилломаларни одам папиллома вируси келтириб чиқаради. Ушбу вирус жуда кенг тарқалган бўлиб, юққандан бошлаб то клиник белгилари пайдо бўлгунигача икки ҳафтадан 1-2 йилгача вақт ўтиши мумкин. Айнан сизнинг ҳолатингизда папилломани лазер ёрдамида олиб ташлаб, комплекс даволаш чоралари яхши натижа беради. Вирусга қарши вакцина эса бутун дунёда кенг қўлланилиб, бизда ҳам амалга оширилаяпти. Папилломага қарши эмлаш чоралари балоғат ёшига етмай бажарилиши айни муддаодир.
