— Оғриқсизлантирувчи препараларни икки-уч қисмга бўлиб қабул қиламан, чунки бутунлигича ичолмайман-да. Яқинда бир танишим айтиб қолди, бу тариқа дори воситасининг таъсири йўқолар экан. Чиндан шундайми?
Комила Шоисломова, Сирдарё вилояти
Нодира ҲАМРОЕВА, шифокор-терапевт:
— Оғриқсизлантирувчи дори воситалари турли кўриниш (капсула, драже, таблетка)ларда ишлаб чиқарилиб, ҳар бири ўзига хос таъсир кучига эга. Капсулани иккига ажратиб бўлмайди, ичидаги кукунини алоҳида қабул қилиш ҳам мумкин эмас. Устки қоплами ошқозонни таъсирлантирмаслик учун атай ишлаб чиқарилган. Таблетка юзасида бир чизиқ бўлса, уни иккига бўлиш мумкин, акси бўлса, шундайлигича қабул қилган маъқул. Оғриқсизлантирувчи препаратларни оч қоринга ичиш ножўя оқибатларни келтириб чиқаришини унутманг.
