2018 йилнинг 10 январига қадар Олимпия қўмитаси фаолиятини янгича асосда такомиллаштириш бўйича Президент қарори имзоланади. 2017 йилда ўзбек спорти соҳасида катта ишлар қилинди. Шахмат бўйича ўзбекистонлик ёш гроссмейстер чиқди.
Бокс, дзюдо, эркин кураш бўйича халқаро мусобақаларда кўплаб ютуқларга эришилди. Яна бир муҳим воқеа, жорий йил 20 сентябрда Ашхобод шаҳрида бўлиб ўтган Осиё Олимпия кенгаши Бош ассамблеясида кураш ёзги Осиё ўйинлари дастурига киритилди. Энди “ҳалол”, “таъзим”, “тўхта”, “ёнбош” деган сўзлар дунё спорт ареналарида янграйди.
Мамлакатимизда футболни ривожлантириш бўйича Президентимиз қарори 2018 йилнинг 10 январига қадар имзоланиши айтиб ўтилди.
