Йиғилишда Шавкат Мирзиёев нутқ сўзлаб, Ислом Каримов таваллудининг 80 йиллигини муносиб нишонлаш ўзбек халқининг миллат сифатида юксак маданиятга эга эканини кўрсатиб беришини таъкидлаган.
— Биз ушбу тарихий санани муносиб кутиб олишимиз керак. Агар яна тарихга ҳурматсизлик қилинса, энди халқимиз зинҳор кечирмайди, — деди Президент.
Шунингдек, мазкур сана билан боғлиқ тадбирларни юксак савияда ўтказишни назорат қилишни Президент давлат маслаҳатчиси Хайриддин Султоновга топширди.