Ўзбекистон фуқароси Константин Бушаев рафиқаси Лилия Бушаева билан ўзининг «Кобальт» русумли автомошинасида деярли бутун Европани айланиб чиқиб, Италия пойтахти Рим шаҳригача борди, деб ёзади "Халқ сўзи" газетаси.
Бу ҳақда улар “Facebook”даги Автотурист.уз гуруҳига хабар қолдиришган.
Константин ўз саёҳатини мамлакатимизнинг шимолий ҳудудларидан бошлаб, аввало, Бухоро ва Нукусда бўлган. Шундан сўнг улар саёҳатни Қозоғистон орқали давом эттириб, Россия Федерациясининг Астрахан шаҳригача боришган.
Шундан сўнг у ўзининг «Кобальт»и билан Россия орқали дастлаб Беларус, кейин Польшага ўтади.
Германия, ва Авсрияни айланиб чиққан Бушаевлар оиласи Италияга саёҳатни Венеция шаҳридан бошлашган. Кейин Константин ва Лилия Сан-Марина томон ҳаракатланиб, Римга етиб боришган.
У ўзи етиб борган ҳар бир шаҳар ва давлатда маълум мудддат бўлиб, диққатга сазовор жойлар билан танишган, саёҳат қилган манзилларини тасвирга олиб “Фейсбук”даги ижтимоий тармоғига жойлаб борган.
