16 апрел Жанубий Корея соҳилларида чўкиб кетган "Севол" кемаси қутқарув ишларида иштирок этган ғаввослардан бири ҳалок бўлди. Навбатдаги сув ости қидирув ишлари давомида у ҳушидан кетган, сўнгра яқин орадаги шифохонага етказилган. Бироқ шифокорлар эса уни қутқариб қола олишмади.
Undine Marine Industries хусусий компаниясида хизмат кўрсатувчи ғаввос 25 метр чуқурликка тушганидан 5 дақиқа ўтиб, у билан алоқа йўқолган. Ушбу воқеадан сўнг кема атрофидаги барча ишлар вақтинчалик тўхтатилди.
Севол кемаси қидирув қутқарув ишларининг 19-кунига келиб, ҳалок бўлганлар сони 262 нафарга етди. 40 кишининг тақдири номаълумлигича қолмоқда.