Жанубий Кореяда XXIII қишки Олимпия ўйинлари давом этмоқда.
Бугун тоғ чанғиси бўйича Ўзбекистон терма жамоаси аъзоси Комил Тўхтаев гигант слалом баҳсларида стартга чиқди. Ҳамюртимиз биринчи чиқишда 1:17.72 натижа қайд этди. Иккинчи чиқишда эса 1:18.27 дақиқада маррага етиб борди. Умумий ҳисобда 2:35.99 натижа кўрсатган Комил 110 нафар спортчи ичида 52-поғонани қайд этди. У пешқадам спортчидан 17.95 сония кеч финишга кириб келди.
Гигант слалом баҳслари якунига кўра 2:18.04 натижа қайд этган австриялик Марсель Хиршер олтин медални қўлга киритди. Кумуш ва бронза медаллари мос равишда норвегиялик ва франциялик спортчиларга насиб қилди.
