8 март – Халқаро хотин-қизлар куни муносабати билан Ватанимиз ҳимоячилари барча оналар, опа-сингилларни ўзгача табриклашди. Ўзбекистон Қуролли Кучлари академияси курсантлари, Қуролли Кучлар Марказий ашула ва рақс ансамбли ҳамда Мудофаа вазирлиги Марказий ҳарбий оркестри жамоалари билан биргаликда пойтахтимиздаги бир неча савдо марказларида бўлдилар.
“Самарқанд дарвоза” савдо мажмуаси фойесидаги шўх куй ва қўшиқлар кундалик юмушлари билан югуриб-елиб юрган харидорларни бирин-кетин бир жойга жамлай бошлади. Бир зумда теварак одамларга тўлди. Савдо мажмуасининг болалар ўйинлари павильонидан бир тўп болалар тушиб келди.
Бошловчининг 8 март – Халқаро хотин-қизлар байрами муносабати билан қутлови йиғилганларнинг олқишлари билан қарши олинди. Кейин яна қўшиқлар янгради. Сен барибир муқаддассан, муқаддас аёл!..
Табрик ва куй-қўшиқлардан боши кўкка етган аёллар ва қизларга Қуролли Кучлар академияси курсантлари гуллар тақдим қилди.
– Мен бугун худди онамни, опа-синглимни қутлагандай бўлдим. Дуогўйларимиз, атрофимизда фариштадек парвона бўладиган опа-сингилларимиз омон бўлишсин. Уларнинг ҳаётдан мамнун бўлиб яшаши, юзларидан табассум аримаслиги учун ҳатто жонимизни бериб бўлса-да хизмат қилишга тайёрмиз, – дейди курсант Норсаид Тоштемиров.
Ватанимиз ҳимоячиларининг хотин-қизлар байрами муносабати билан ўтказган акцияси пойтахтимизнинг Юнусобод туманида жойлашган “МегаПланет” савдо мажмуасида ҳам бўлиб ўтди.
17.11.2023, 09:49
3 йилдан бери “Баркамол авлод” болалар мактабининг робототехника тўгарагига қатнайдиган Озодбек Ҳошимов одамларни ис газидан сақлаб қоладиган ихтиро яратди. Бу ҳақда Мактабгача ва мактаб таълими...
16.11.2023, 12:40
Аввалроқ, Тошкент вилоятидаги тўйда вертолётдан фойдалангани акс этган видео тармоқларда тарқалган эди. Тошкент вилояти ИИББ Йўл ҳаракати хавфсизлиги бошқармаси мазур ҳолат бўйича маълумот тақдим этди. Маълум қилинишича, ИИББ...
10.11.2023, 12:45
Пойтахт марказида қурилган янги кўп қаватли уй ҳали эгаларига топширилмасданоқ куни кеча ёғиб ўтган ёмғирдан сўнг даҳшатли манзара касб этиб қолди. 11 қаватли уйнинг зиналари...
04.11.2023, 12:37
Фарғонада янги туғилган чақалоқ ташлаб кетилди. "Замон" дастурида мазкур ҳодиса бўйича тафсилотлар маълум қилинди.Маълум бўлишича, Фарғона тумани Юқори арча МФЙ ҳудудидаги катта далага янги туғилган,...
