Россиянинг “Аэрофлот” компанияси Тошкентга амалга ошириладиган бир нечта рейсларни тўхтатади. Бу ҳақда UzDaily.uz нашри Россиянинг ҳаво транспорти Федерал агентлигига (Россавиация) асосланган ҳолда хабар беради.
Хусусан, авиакомпания Ростова-на-Дону ва Минеральный Водадан пойтахтимизга амалга ошириладиган рейсларни ёпди. Бундан ташқари, “Аэрофлот” Сочи-Тошкент парвозини ҳам амалга оширишдан бош тортди.
Федерал агентлик маълумотларига кўра, “Аэрофлот” авиакомпанияси мазкур йўналишларда амалга оширишга берилган рухсатни қайтариб олишга қарор қилди.