Фарғона вилоятининг Қўқон шаҳрида қарийб 6 килограмм марихуана топилди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.
Қайд этилишича, 16 март куни ИИБга тушган маълумотга кўра, “Аччиққўл” даҳаси 42-уйда яшовчи, 1969 йилда туғилган Б.Қ. бошқарувидаги “Матиз” русумли автомашина Чархий кўчасида текширилганида, ҳайдовчи ўриндиғи остидан полиэтилен қопга солинган 5 килограмм 817 грамм “марихуана” гиёҳвандлик моддаси топилиб, далилий ашё сифатида олинган.
