Рейси бекор қилинган йўловчи, Лас-Вегас аэропортида кечаси билан ёлғиз қолиб кетди.
Ушбу вақтда зерикиб қолган Ричард Данн ўз айфонида Селин Дион ижросидаги хит қўшиқларнинг бирига клип суратга олди. Бу ҳақда Mirror нашри хабар бермоқда.
Ричард Данн ушбу ноҳуш ҳолатга бошқа томондан ёндашди. Аэропортда кечаси билан қолишга мажбур бўлган йўловчи Селин Дионнинг All by Myself қўшиғига клип суратга олди. Видео битта телефонда суратга олинганига қарамай, видео сифати анча юқори ва клип сюжетлари ҳам яхши ўйланган.
