Жаҳон бокс уюшмаси - WBA бугун янги рейтингини эълон қилди. ЎзА хабарига кўра, енгилмас профессионал боксчи Шоҳжаҳон Эргашев (12-0, КО 12) кучли ўнликка кирди ва дунёнинг тўққизинчи рақамли боксчисига айланди.
– Бу кўтарилиш фақат мен учун эмас балки бутун ўзбек халқининг кўтарилишидир. Мен кутаётган чемпионлик камарига эга чиқишимга бор йўғи саккиз поғона қолди ва мен аста-секинлик билан ушбу поғоналарни босиб ўтишимга ишонаман, – дейди Шоҳжаҳон Эргашев.
Эслатиб ўтамиз, Шоҳжаҳон Эргашев Бруклиндаги «Barclays Center» спорт мажмуасида 28 апрель куни навбатдаги жангини ўтказади.
03.04.2018 10:27
Шоҳжаҳон Эргашев WBA рейтингида кучли ўнликка кирди
