“Боко Харам” террористик гуруҳи жангарилари Нигерия шимолий-шарқидаги бир нечта қишлоқларига ҳужум уюштириб, 90 нафарга яқин кишини ўғирлаб кетишди. Бу ҳақда “AP” нашри хабар бермоқда.
Агентликнинг ёзишича, террорчилар 60 нафарга яқин аёл ва қизларни олиб кетишган, қолганлари эса ўғил болалар. Ҳужум вақтида қочмоқчи бўлган 4 киши ҳалок бўлган.
2014 йилнинг апрел ойида “Боко Харам” террористик гуруҳи 270 нафар мактаб ўқувчи қизларини ўғирлаб кетишган эди. Террористик гуруҳ етакчиси қизларни қўлга олинган барча жангариларга алмашишни таклиф қилди, бироқ Нигерия ҳукумати ушбу таклифни рад этди.
Ҳозирга келиб 57 нафар ўқувчи уйларига қайтганлар, қолган 219 нафар қиз жангарилар қўлида қолмоқда.
