Саудия тараққиёт фонди Ўзбекистоннинг сув таъминоти соҳасидаги лойиҳани қўллаб қувватлади ва у учун 70 миллион Саудия рияли (13,3 миллион АҚШ доллари) миқдоридаги маблағни ажратди. Бу ҳақда Gazeta.uz хабар беради.
Лойиҳа борасидаги келишув шу йилнинг 25 июн куни Жиддада Саудия Арабистони молия вазири Иброҳим ибн Абдулазиз ал Ассаф ва Ўзбекистон ташқи иқтисодий алоқалар, инвестиция ва савдо вазири Элёр Ғаниев ўртасида имзоланди.
