Хабарингиз бор, Шавкат Мирзиёевнинг таклифига биноан Туркия Президенти Режеп Таййип Эрдўғон 29 апрель куни давлат ташрифи билан Ўзбекистонга келган.
Кўксаройда бўлиб ўтган учрашув чоғида Шавкат Мирзиёев “Баш баша вермейинча таш ериндан калкмас” деган турк халқи мақолини мисол келтирди.
Режеп Таййип Эрдоған эса “Бир киши ариқ очади, минг киши ундан сув ичади” дея ўзбекча лутф қилди. Туркия Президенти бу мақол билан Ўзбекистон Президенти Шавкат Мирзиёев олиб бораётган сиёсатнинг бутун минтақа, миллионлаб одамларга фойдаси тегаётганини таъкидлади.
Бу ҳақда Президент матбуот котиби Комил Алламжонов Facebook’даги саҳифасига пост жойлаштирди.
