Ўзбекистон Ташқи ишлар вазири Абдулазиз Комилов Душанбе шаҳрида бўлиб ўтадиган терроризмга қарши кураш бўйича юқори даражали халқаро конференцияда иштирок этади. Бу ҳақда вазирлик матбуот-хизмати хабар қилди.
"Ўзбекистон Республикаси Ташқи ишлар вазири Абдулазиз Комилов бошчилигидаги делегация 2018-йил 3-4-май кунлари Душанбе шаҳрида бўлиб ўтадиган "Терроризм ва радикализмга қарши кураш" юқори даражали халқаро конференцияда иштирок этади", — дейилади хабарда.
Матбуот-хизмати хабарига кўра, Ўзбекистон делегацияси Тожикистонда бўлиши чоғида шунингдек, қатор икки томонлама учрашувлар ҳам ўтказади.
