Равшан Эрматов: “Барчаси учун юртимизга, президентимизга миннатдорчилик билдираман”

СПОРТ 25.07.2014, 15:52
Равшан Эрматов: “Барчаси учун юртимизга, президентимизга миннатдорчилик билдираман”

Бугун Олимпия Шон-шуҳрати музейида футбол бўйича жаҳон чемпионатида ҳакамлик қилган Равшан Эрматов ва Абдулҳамидулло Расуловларни тақдирлаш маросими бўлиб ўтди.

Тақдирлаш маросимида Равшан Эрматовга Ўзбекистон Республикаси Президенти Ислом Каримов фармонига мувофиқ «Эл-юрт ҳурмати» ордени берилди. ФИФА рефериси Равшан Эрматовга орденни Ўзбекистон Республикаси Бош Вазири Шавкат Мирзиёев топширди. . Шунингдек, Эрматовга "Малибу", қанот ҳаками Абдулҳамидулло Расуловга эса "Орландо" автомобили совға қилинди.

Маросимдан сўнг Равшан Эрматов uff.uz сайтига интервью бериб ўтди.

"Ростини айтсам, 100 минг мухлис ўтирган стадиондаги энг муҳим учрашувни бошқарганимда ҳам ҳаяжонланмаганман, аммо ҳозир, юртимиз, Давлатимиз томонидан билдирилган бу эътирофдан қаттиқ ҳаяжонга тушдим. Барчаси учун юртимизга, президентимизга миннатдорчилик билдираман.

Бу орденнинг мен учун аҳамияти жуда катта. Илк бора мундиалда ишлаш учун Цюрихдаги ҳакамлар йиғинида иштирок этганимда, ФИФА назарига тушиш учун астойдил ишлар эдик. Ўшанда хорижлик баъзи мутахассислар "Ўзингни кўп уринтирма, барибир Ўзбекистондан ҳакам олишмайди. Футболи ривожланган мамлакатлар турганда сизга йўл бўлсин", деган эди. 

Ўша кўра олмаган инсонларга Ўзбекистонда қандай ҳакамлар борлигини исботлаш учун ҳам астойдил ишладик ва мақсадимизга етганимиздан хурсандмиз.

Бироқ бу ютуқлар тарихда қолди. Энди биз олдинга қарашимиз керак. Биз ишлашда давом этамиз ва ваъда берамизки, бу эришилган натижа билан чекланиб қолмаймиз", - дейди Равшан Эрматов.

Фото:twitter.com/sanjarrizayev

Шарҳлар

Об-ҳаво: Тошкент
Валюта курси
1