Давлат ташрифи билан мамлакатимизда бўлиб турган Тожикистон Республикаси Президенти Эмомали Раҳмон 18 август куни Самарқанд шаҳрига келди.
Самарқанд халқаро аэропортида олий мартабали меҳмонни ҳукумат вакиллари кутиб олди. Бу ҳақда Ўзбекистон Республикаси Президенти Матбуот хизмати хабар қилмоқда.
Ташриф давомида Ислом Каримов ва Амир Темур мақбараларини зиёрат қилиш, Улуғбек расадхонаси, Афросиёб музейи, Регистон мажмуаси ва бошқа тарихий ёдгорликларни томоша қилиш режалаштирилган.
