14 август куни соат тахминан 14.30 да Хоразм вилоятининг Ҳонқа ва Янгиариқ туманларини туташтирувчи Қорақош-Заҳкаш кўприги қулаб тушди. Мазкур йўлўтказгич кунига бир кунда 7 мингдан ортиқ автомобилларга хизмат кўрсатган.
Икки туманни боғловчи эни 14 метр, узунлиги 24 метр бўлган кўприк қулаган вақтда Ҳонқа йўлларидан фойдаланиш унитар корхонасининг 12 нафар ишчи-ходимлари бўлган.
Корхона масъул ходими кўприкнинг қулаш сабабини ҳозирги замон талабига жавоб бермаслиги билан изоҳлади.
Воқеа жойида жабрланганларга ёрдам кўрсатилган ва касалхонага ётқизилган. 4 нафар ишчи-ходим енгил тан жароҳати олган.
