Мулоқотда Яқин Шарқдаги мураккаб вазият муҳокама қилиниб, юзага келган беқарорлик жиддий ташвиш уйғотаётгани қайд этилди. Давлат раҳбари Ўзбекистон ҳар қандай қарама-қаршилик ва зиддиятларни сиёсий-дипломатик йўл билан ҳал этиш тарафдори эканини таъкидлади.
Шунингдек, Ўмоннинг минтақада хавфсизликни таъминлаш борасидаги фаол воситачилик саъй-ҳаракатлари юксак баҳоланди. Суҳбат давомида Ўмонда бўлиб турган Ўзбекистон фуқароларининг хавфсизлигини таъминлаш ва уларни Ватанга қайтариш учун яратилаётган шароитлар учун миннатдорлик билдирилди.
Ўз навбатида, Ўмон Султони ҳамжиҳатлик учун ташаккур изҳор этиб, Масқатга режалаштирилган олий даражадаги ташриф самарали ўтишига ишонч билдирди.
