Американинг видеокамера ишлаб чиқарувчи GoPro компанияси акциялари нархи “Формула-1” пойгачиси Михаил Шумахер фалокатга учрагандан сўнг 10 фоизга тушиб кетди, жароҳатга айнан камералар сабаб бўлиши мумкин деган тахмин илгари сурилмоқда.
Шумахер сентябр ойи бошида касалхонадан уйига қайтган эди. У 2013 йилнинг 29 декабр куни Франция тоғида чанғи учаётган пайтда бошидан жароҳат олган ва узоқ вақт комада ётганди. Апрелда унинг ҳолатида бироз ўзгаришлар содир бўла бошлади. Июн ойи охирида эса Шумахер комадан чиқади деб эълон қилинди. Пойгачининг турмуш ўртоғи Кориннанинг гапига кўра, унинг аҳволи кундан кунга яхшиланиб бормоқда. Айни пайтда у даволанишни уйида давом эттирмоқда.
