SpaceX асосчиси Илон Маск xAI ходимлари билан учрашувда Ойда сунъий йўлдошлар ишлаб чиқариш заводи ва уларни космосга отиб чиқарадиган электромагнит тизим барпо этиш нияти борлигини маълум қилди.
Унинг сўзларига кўра, келажакда Starship ёрдамида Ойга катта ҳажмда юк етказиш мумкин бўлади ва маҳаллий ресурслардан фойдаланиб сунъий йўлдошлар ишлаб чиқарилади. Кейин эса улар махсус электромагнит катапулта орқали орбитага чиқарилади.
Маскнинг фикрича, бу усул сунъий интеллект учун зарур ҳисоблаш қувватларини таъминлашнинг энг арзон йўлларидан бирига айланиши мумкин. Шунингдек, NASA ва SpaceX Ойда доимий база яратиш режаларини ҳам ишлаб чиқмоқда.
