Сергелидаги машина бозорида тўппончадан ўқ узган шахс ушланди (видео)

ЖИНОЯТ 22.10.2018, 10:00
Сергелидаги машина бозорида тўппончадан ўқ узган шахс ушланди (видео)

21 октябрь, тахминан соат 12.00 да Сергели ички ишлар бўлимига Тошкент шаҳри Сергели туманидаги машина бозори ҳудудида эркак қўлида тўппонча билан юргани ҳақида хабар келиб тушган.

Воқеа жойига етиб келган ИИББ ва Миллий гвардия ходимлари Юнусободда яшовчи 39 ёшли Н.А.ни қўлга олган. Ундан "Макаров" пневматик тўппончаси ва "кукри" пичоғи олиб қўйилган.

Сергели ИИБга келтирилган Н.А. бозорга қариндошига тегишли "Matiz" ва "Epica" автомашиналарини сотиш учун келганини, ҳеч кимга зарар етказмоқчи бўлмаганини ва қариндошининг туғилган кунини ўзига хос усулда нишонлаш учун ҳавога ўқ узганини айтган. Ҳодиса оқибатида ҳеч ким жабрланмаган.

Тошкент шаҳар ИИББнинг маълум қилишича, қўлга олинган эркакнинг шахси аниқланганда у руҳий-неврологик диспансерда рўйхатда туриши аниқланган ва даволаш муассасасига жойлаштирилган.

Шарҳлар

Об-ҳаво: Тошкент
Валюта курси
1