Самарқанд вилоятининг Каттақўрғон туманида босқинчилик жинояти юз берди, деб хабар бермоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.
Маълум бўлишича, 29 октябрь куни соат 00:30 ларда Пастдарғом туманида яшовчи А.А. ва А.Ж.лар ўзларининг “Нексия” русумли автомашинасида пичоқ ва ёғоч бўлаклари билан қуролланган ҳолда Ш.Р.нинг уйи олдига келиб, очиқ эшик орқали босқинчилик мақсадида Ш.Р.нинг уйига кирганларида ички ишлар органлари ходимлар томонидан ушланганлар.
Ҳолат юзасидан жиноят иши қўзғатилиб, тергов ҳаракатлари олиб борилмоқда.
