Samarqand viloyatining Kattaqo`rg`on tumanida bosqinchilik jinoyati yuz berdi, deb xabar bermoqda O`zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
Ma`lum bo`lishicha, 29 oktyabr kuni soat 00:30 larda Pastdarg`om tumanida yashovchi A.A. va A.J.lar o`zlarining “Neksiya” rusumli avtomashinasida pichoq va yog`och bo`laklari bilan qurollangan holda Sh.R.ning uyi oldiga kelib, ochiq eshik orqali bosqinchilik maqsadida Sh.R.ning uyiga kirganlarida ichki ishlar organlari xodimlar tomonidan ushlanganlar.
Holat yuzasidan jinoyat ishi qo`zg`atilib, tergov harakatlari olib borilmoqda.
