Камерун хавфсизлик кучлари томонидан 5 ноябрда Баменда шаҳридаги мактабдан ўғирлаб кетилган ўқувчилар ва ходимларни зудлик билан озод қилишга қаратилган кенг кўламли операция ташкил этилмоқда, деб хабар бермоқда РИА Новости нашри.
Ҳозирда ўғирланган 79 нафар болаларнинг ота-онаси мактаб биноси олдига тўпланиб, бирор янгилик эшитишга умид қилишмоқда. Ҳозирча ҳеч бир жиноий гуруҳ бу иш учун жавобгарликни ўз зиммасига олганича йўқ. Асирлар учун жиноятчилар томонидан ҳозирча бирор товон ҳам талаб қилинмаган. Айрим тахминларга кўра,улар таълимнинг хорижий тилларда олиб борилаётганидан норози бўлган.
