Комикслар муаллифи, ёзувчи ва Марвел компаниясининг собиқ президенти Стэн Ли вафот этди, дея хабар бермоқда Daily Mail.
У 96 ёшида оғир касалликларни бошидан кечириб қазо қилди.
Стэн Ли — Марвел кинокоинотидаги кўплаб қаҳрамонларнинг, жумладан, Ўргимчак-одам, Халк, Икс одамлар, Темир одам, Тор, Қасоскорлар ва Фантастик тўртликнинг муаллифидир.
Маълумотларига кўра, Ли бир неча йиллар давомида оғир касалликлардан азият чеккан, жумладан, пневмония ва кўриш билан боғлиқ муаммолар уни қийнаб келган. Ёзувчи Лос-Анжелесдаги тиббий марказда вафот этган.
Стэн Ли америкалик ёзувчи, муҳаррир ва кўплаб комикслар яратувчиси ҳисобланади. У «Капитан Америка», «Икс одамлар», «Ўргимчак одам» ва бошқа кўплаб фильмларга продюсерлик қилган.
