Германия канцлери Ангела Меркель Буэнос-Айресга Катта йигирматалик саммитида қатнашиш учун учаётган вақтда "Airbus Konrad Adenauer" самолёти парвоз давомида носозлик кузатилгани учун Кёльнга қўнди.
"Меркель Катта йигирматалик саммитининг биринчи кунини ўтказиб юборади", - дейилади ТАСС хабарида.
Саммитнинг биринчи кунида канцлернинг Аргентина Президенти Макри билан учрашуви режалаштирилганди.
Дастлабки маълумотларга кўра, хаво лайнеридаги айрим элементларнинг электр таъминотини етказиб беришида носозлик рўй берган. Шунинг учун самолёт Кёльндамажбурий қўндирилган. Самолётни ўт учирувчи машиналар кутиб олган.
Таъкидланишича, Меркель Буэнос-Айресга парвозини 30 ноябрь эрталаб давом эттиради.
Маълумот учун, бугун Аргентинанинг пойтахти Буэнос-Айресда Катта йигирматалик саммитининг очилиш маросими бўлиб ўтади. 1 декабрь куни эса саммит ўз ишини якунлайди. Унда асосан иқтисодий масалаларга урғу берилиши кўзда тутилган.
Бу Германия ҳукумат лайнерлари билан юз берган биринчи ҳолат эмас. Ўтган йилнинг март ойида ҳам Меркель Мисрга парвоз қилаётган вақтда, рейс техник носозлик сабаб бекор қилинган.
